அவுஸ்திரேலியாவில் தீ விபத்து – இலங்கை தம்பதிக்கு பெரும் இழப்பு, மீண்டும் தொடங்க போராட்டம்

அவுஸ்திரேலியாவின் பெர்த் பகுதியில் வசித்து வந்த இலங்கைச் சேர்ந்த தம்பதியினர் எதிர்பாராத தீ விபத்தால் தங்களது வீட்டை முழுமையாக இழந்துள்ளனர்.

டிலினி மற்றும் தினேஷ் அபேசிங்க என்ற இந்த தம்பதியினர், இரண்டு ஆண்டுகளுக்கு முன்பு தங்களது சேமிப்புகளை பயன்படுத்தி கனவு வீட்டை கட்டியிருந்தனர். ஆனால் சமீபத்தில் ஏற்பட்ட தீ விபத்து அந்த வீட்டை முற்றிலும் சேதப்படுத்தியுள்ளது.

இந்த விபத்துக்குக் காரணமானது சிறிய அளவிலான கவனக்குறைவால் ஏற்பட்ட தொழில்நுட்ப கோளாறு என கூறப்படுகிறது. இதனால், காப்பீட்டுத் தொகையைப் பெற முடியாத சூழ்நிலை உருவாகியுள்ளது.

பல ஆண்டுகளாக சேமித்த பணம் ஒரே நேரத்தில் இழந்ததால், தற்போது அவர்கள் கடுமையான நிதி நெருக்கடியை எதிர்கொண்டு வருகின்றனர். இருவரும் அவுஸ்திரேலியாவில் வேலை செய்து வந்தாலும், மீண்டும் வீட்டை கட்டுவது பெரும் சவாலாக உள்ளது.

புதிய வீடு கட்டுவதற்கு சுமார் 700,000 முதல் 800,000 அவுஸ்திரேலிய டொலர்கள் வரை செலவாகும் என மதிப்பிடப்பட்டுள்ளது.

இந்த சூழ்நிலையில், தங்களது வாழ்க்கையை மீண்டும் தொடங்க உதவிக்காக GoFundMe தளத்தின் மூலம் மக்கள் உதவியை அவர்கள் நாடியுள்ளனர்.